Édition hébreu et phonétique (séfarade) › Tikoun haklali · Aussi en hébreu · phonétique
Tikoun haklali
תיקון הכללי
Psaume 42
לַמְנַצֵּחַ מַשְׂכִּיל לִבְנֵי־קֹרַח׃
Lamnatsèaḥ maskil livnei qoraḥ.
כְּאַיָּל תַּעֲרֹג עַל־אֲפִיקֵי־מָיִם כֵּן נַפְשִׁי תַעֲרֹג אֵלֶיךָ אֱלֹהִים׃
Keayyal ta‘arog ‘al afiqei maïm kène nafchi ta‘arog èlékha Élohim.
צָמְאָה נַפְשִׁי לֵאלֹהִים לְאֵל חָי מָתַי אָבוֹא וְאֵרָאֶה פְּנֵי אֱלֹהִים׃
Tsamea nafchi lÈlohim leÈl ḥaïe mataïe avo weèraé penei Élohim.
הָיְתָה־לִּי דִמְעָתִי לֶחֶם יוֹמָם וָלָיְלָה בֶּאֱמֹר אֵלַי כָּל־הַיּוֹם אַיֵּה אֱלֹהֶיךָ׃
Haïta li dim‘ati léḥém yomam walaïla béémor èlaïe kol hayyom ayyè Élohékha.
אֵלֶּה אֶזְכְּרָה וְאֶשְׁפְּכָה עָלַי נַפְשִׁי כִּי אֶעֱבֹר בַּסָּךְ אֶדַּדֵּם עַד־בֵּית אֱלֹהִים בְּקוֹל־רִנָּה וְתוֹדָה הָמוֹן חוֹגֵג׃
Èllé ézkera weéchpekha ‘alaïe nafchi ki é‘évor bassakh éddaddèm ‘ad beite Élohim beqol rinna wetoda hamone ḥoguèg.
מַה־תִּשְׁתּוֹחֲחִי נַפְשִׁי וַתֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעוֹת פָּנָיו׃
Ma tichtoḥaḥi nafchi wattéhémi ‘alaïe hoḥili lÈlohim ki ‘od odénnou yechou‘ote panaw.
אֱלֹהַי עָלַי נַפְשִׁי תִשְׁתּוֹחָח עַל־כֵּן אֶזְכָּרְךָ מֵאֶרֶץ יַרְדֵּן וְחֶרְמוֹנִים מֵהַר מִצְעָר׃
Élohaïe ‘alaïe nafchi tichtoḥaḥ ‘al kène ézkorkha mèérétss yardène weḥérmonim mèhar mits‘ar.
תְּהוֹם־אֶל־תְּהוֹם קוֹרֵא לְקוֹל צִנּוֹרֶיךָ כָּל־מִשְׁבָּרֶיךָ וְגַלֶּיךָ עָלַי עָבָרוּ׃
Tehom él tehom qorè leqol tsinnorékha kol michbarékha wegallékha ‘alaïe ‘avarou.
יוֹמָם יְצַוֶּה יְהוָה חַסְדּוֹ וּבַלַּיְלָה שירה [שִׁירוֹ] עִמִּי תְּפִלָּה לְאֵל חַיָּי׃
Yomam yetsawwé Adonaïe ḥasdo ouvallaïla chiro ‘immi tefilla leÈl ḥayyaïe.
אוֹמְרָה לְאֵל סַלְעִי לָמָה שְׁכַחְתָּנִי לָמָּה־קֹדֵר אֵלֵךְ בְּלַחַץ אוֹיֵב׃
Omera leÈl sal‘i lama chekhaḥtani lamma qodère èlèkh belaḥatss oïèv.
בְּרֶצַח בְּעַצְמוֹתַי חֵרְפוּנִי צוֹרְרָי בְּאָמְרָם אֵלַי כָּל־הַיּוֹם אַיֵּה אֱלֹהֶיךָ׃
Berétsaḥ be‘atsmotaïe ḥèrefouni tsoreraïe beomram èlaïe kol hayyom ayyè Élohékha.
מַה־תִּשְׁתּוֹחֲחִי נַפְשִׁי וּמַה־תֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעֹת פָּנַי וֵאלֹהָי׃
Ma tichtoḥaḥi nafchi ouma téhémi ‘alaïe hoḥili lÈlohim ki ‘od odénnou yechou‘ote panaïe wÈlohaïe.