Psaume 41

לַמְנַצֵּחַ מִזְמוֹר לְדָוִד׃

Lamnatsèaḥ mizmor leDawid.

אַשְׁרֵי מַשְׂכִּיל אֶל־דָּל בְּיוֹם רָעָה יְמַלְּטֵהוּ יְהוָה׃

Achrei maskil él dal beïom ra‘a yemalletèhou Adonaïe.

יְהוָה יִשְׁמְרֵהוּ וִיחַיֵּהוּ יאשר [וְאֻשַּׁר] בָּאָרֶץ וְאַל־תִּתְּנֵהוּ בְּנֶפֶשׁ אֹיְבָיו׃

Adonaïe yichmerèhou wiḥayyèhou weouchar baarétss weal tittenèhou benéféche oïvaw.

יְהוָה יִסְעָדֶנּוּ עַל־עֶרֶשׂ דְּוָי כָּל־מִשְׁכָּבוֹ הָפַכְתָּ בְחָלְיוֹ׃

Adonaïe yis‘adénnou ‘al ‘éréss dewaïe kol michkavo hafakhta veḥolyo.

אֲ‍נִי־אָמַרְתִּי יְהוָה חָנֵּנִי רְפָאָה נַפְשִׁי כִּי־חָטָאתִי לָךְ׃

Ani amarti Adonaïe ḥonnèni refaa nafchi ki ḥatati lakh.

אוֹיְבַי יֹאמְרוּ רַע לִי מָתַי יָמוּת וְאָבַד שְׁמוֹ׃

Oïvaïe yomerou ra‘ li mataïe yamoute weavad chemo.

וְאִם־בָּא לִרְאוֹת שָׁוְא יְדַבֵּר לִבּוֹ יִקְבָּץ־אָוֶן לוֹ יֵצֵא לַחוּץ יְדַבֵּר׃

Weïm ba lir’ote chaw yedabbère libbo yiqbotss awéne lo yètsè laḥoutss yedabbère.

יַחַד עָלַי יִתְלַחֲשׁוּ כָּל־שֹׂנְאָי עָלַי יַחְשְׁבוּ רָעָה לִי׃

Yaḥad ‘alaïe yitlaḥachou kol soneaïe ‘alaïe yaḥchevou ra‘a li.

דְּבַר־בְּלִיַּעַל יָצוּק בּוֹ וַאֲשֶׁר שָׁכַב לֹא־יוֹסִיף לָקוּם׃

Devar beliya‘al yatsouq bo waachére chakhav lo yossif laqoum.

גַּם־אִישׁ שְׁלוֹמִי אֲשֶׁר־בָּטַחְתִּי בוֹ אוֹכֵל לַחְמִי הִגְדִּיל עָלַי עָקֵב׃

Gam iche chelomi achére bataḥti vo okhèl laḥmi higdil ‘alaïe ‘aqèv.

וְאַתָּה יְהוָה חָנֵּנִי וַהֲקִימֵנִי וַאֲשַׁלְּמָה לָהֶם׃

Weatta Adonaïe ḥonnèni wahaqimèni waachallema lahém.

בְּזֹאת יָדַעְתִּי כִּי־חָפַצְתָּ בִּי כִּי לֹא־יָרִיעַ אֹיְבִי עָלָי׃

Bezote yada‘ti ki ḥafatsta bi ki lo yaria‘ oïvi ‘alaïe.

וַאֲנִי בְּתֻמִּי תָּמַכְתָּ בִּי וַתַּצִּיבֵנִי לְפָנֶיךָ לְעוֹלָם׃

Waani betoummi tamakhta bi wattatsivèni lefanékha le‘olam.

בָּרוּךְ יְהוָה אֱלֹהֵי יִשְׂרָאֵל מֵהָעוֹלָם וְעַד הָעוֹלָם אָמֵן וְאָמֵן׃

Baroukh Adonaïe Élohei Yissraèl mèha‘olam we‘ad ha‘olam amène weamène.