Psaume 90

תְּפִלָּה לְמֹשֶׁה אִישׁ־הָאֱלֹהִים אֲ‍דֹנָי מָעוֹן אַתָּה הָיִיתָ לָּנוּ בְּדֹר וָדֹר׃

Tefila leMochè ich-haÈlohim Adonaï ma’on ata haïta lanou bedor vador.

בְּטֶרֶם הָרִים יֻלָּדוּ וַתְּחוֹלֵל אֶרֶץ וְתֵבֵל וּמֵעוֹלָם עַד־עוֹלָם אַתָּה אֵל׃

Betèrèm harim youladou vate’holél èrèts vetévél oumé’olam ad-olam ata Él.

תָּשֵׁב אֱנוֹשׁ עַד־דַּכָּא וַתֹּאמֶר שׁוּבוּ בְנֵי־אָדָם׃

Tachév ènoch ad-daka vatomèr chouvou vené-adam.

כִּי אֶלֶף שָׁנִים בְּעֵינֶיךָ כְּיוֹם אֶתְמוֹל כִּי יַעֲבֹר וְאַשְׁמוּרָה בַלָּיְלָה׃

Ki èlèf chanim be’énèkha keïom ètmol ki ya’avor veachmoura valaïla.

זְרַמְתָּם שֵׁנָה יִהְיוּ בַּבֹּקֶר כֶּחָצִיר יַחֲלֹף׃

Zeramtam chéna yihyou babokèr kè’hatsir ya’halof.

בַּבֹּקֶר יָצִיץ וְחָלָף לָעֶרֶב יְמוֹלֵל וְיָבֵשׁ׃

Babokèr yatsits ve’halaf la’èrèv yemolél veïavéch.

כִּי־כָלִינוּ בְאַפֶּךָ וּבַחֲמָתְךָ נִבְהָלְנוּ׃

Ki-khalinou veapèkha ouva’hamatkha nivhalnou.

שת [שַׁתָּה] עֲוֺנֹתֵינוּ לְנֶגְדֶּךָ עֲלֻמֵנוּ לִמְאוֹר פָּנֶיךָ׃

Chata avonoténou lenègdèkha alouménou lim’or panèkha.

כִּי כָל־יָמֵינוּ פָּנוּ בְעֶבְרָתֶךָ כִּלִּינוּ שָׁנֵינוּ כְמוֹ־הֶגֶה׃

Ki khol-yaménou panou ve’èvratèkha kilinou chanénou khemo-hèguè.

יְמֵי־שְׁנוֹתֵינוּ בָהֶם שִׁבְעִים שָׁנָה וְאִם בִּגְבוּרֹת שְׁמוֹנִים שָׁנָה וְרָהְבָּם עָמָל וָאָוֶן כִּי־גָז חִישׁ וַנָּעֻפָה׃

Yemé-chenoténou vahèm chiv’im chana veïm bigvourot chemonim chana verohbam amal vaavèn ki-gaz ’hich vana’oufa.

מִי־יוֹדֵעַ עֹז אַפֶּךָ וּכְיִרְאָתְךָ עֶבְרָתֶךָ׃

Mi-yodéa oz apèkha oukhyir’atkha èvratèkha.

לִמְנוֹת יָמֵינוּ כֵּן הוֹדַע וְנָבִא לְבַב חָכְמָה׃

Limnot yaménou kén hoda venavi levav ’hokhma.

שׁוּבָה יְהוָה עַד־מָתָי וְהִנָּחֵם עַל־עֲבָדֶיךָ׃

Chouva Adonaï ad-mataï vehina’hém al-avadèkha.

שַׂבְּעֵנוּ בַבֹּקֶר חַסְדֶּךָ וּנְרַנְּנָה וְנִשְׂמְחָה בְּכָל־יָמֵינוּ׃

Sabe’énou vabokèr ’hasdèkha ounranena venisme’ha bekhol-yaménou.

שַׂמְּחֵנוּ כִּימוֹת עִנִּיתָנוּ שְׁנוֹת רָאִינוּ רָעָה׃

Same’hénou kimot initanou chenot raïnou ra’a.

יֵרָאֶה אֶל־עֲבָדֶיךָ פָעֳלֶךָ וַהֲדָרְךָ עַל־בְּנֵיהֶם׃

Yéraè èl-avadèkha fo’olèkha vahadarkha al-benéhèm.

וִיהִי נֹעַם אֲדֹנָי אֱלֹהֵינוּ עָלֵינוּ וּמַעֲשֵׂה יָדֵינוּ כּוֹנְנָה עָלֵינוּ וּמַעֲשֵׂה יָדֵינוּ כּוֹנְנֵהוּ׃

Vihi no’am Adonaï Èlohénou alénou ouma’assé yadénou konena alénou ouma’assé yadénou konenéhou.