Psaume 105

הוֹדוּ לַיהוָה קִרְאוּ בִּשְׁמוֹ הוֹדִיעוּ בָעַמִּים עֲלִילוֹתָיו׃

Hodou laAdonaï kir’ou bichmo hodi’ou va’amim alilotav.

שִׁירוּ־לוֹ זַמְּרוּ־לוֹ שִׂיחוּ בְּכָל־נִפְלְאוֹתָיו׃

Chirou-lo zamerou-lo si’hou bekhol-nifleotav.

הִתְהַלְלוּ בְּשֵׁם קָדְשׁוֹ יִשְׂמַח לֵב מְבַקְשֵׁי יְהוָה׃

Hit-halelou bechém kodcho yisma’h lév mevakché Adonaï.

דִּרְשׁוּ יְהוָה וְעֻזּוֹ בַּקְּשׁוּ פָנָיו תָּמִיד׃

Dirchou Adonaï ve’ouzo bakechou fanav tamid.

זִכְרוּ נִפְלְאוֹתָיו אֲשֶׁר־עָשָׂה מֹפְתָיו וּמִשְׁפְּטֵי־פִיו׃

Zikhrou nifleotav achèr-assa moftav oumichpeté-fiv.

זֶרַע אַבְרָהָם עַבְדּוֹ בְּנֵי יַעֲקֹב בְּחִירָיו׃

Zèra Avraham avdo bené Ya’akov be’hirav.

הוּא יְהוָה אֱלֹהֵינוּ בְּכָל־הָאָרֶץ מִשְׁפָּטָיו׃

Hou Adonaï Èlohénou bekhol-haarèts michpatav.

זָכַר לְעוֹלָם בְּרִיתוֹ דָּבָר צִוָּה לְאֶלֶף דּוֹר׃

Zakhar le’olam berito davar tsiva leèlèf dor.

אֲשֶׁר כָּרַת אֶת־אַבְרָהָם וּשְׁבוּעָתוֹ לְיִשְׂחָק׃

Achèr karat èt-Avraham ouchvou’ato leïs’hak.

וַיַּעֲמִידֶהָ לְיַעֲקֹב לְחֹק לְיִשְׂרָאֵל בְּרִית עוֹלָם׃

Vaya’amidèha leYa’akov le’hok leYisraél berit olam.

לֵאמֹר לְךָ אֶתֵּן אֶת־אֶרֶץ־כְּנָעַן חֶבֶל נַחֲלַתְכֶם׃

Lémor lekha ètén èt-èrèts-Kena’an ’hèvèl na’halatkhèm.

בִּהְיוֹתָם מְתֵי מִסְפָּר כִּמְעַט וְגָרִים בָּהּ׃

Bihyotam meté mispar kim’at vegarim bah.

וַיִּתְהַלְּכוּ מִגּוֹי אֶל־גּוֹי מִמַּמְלָכָה אֶל־עַם אַחֵר׃

Vayit-halekhou migoï èl-goï mimamlakha èl-am a’hér.

לֹא־הִנִּיחַ אָדָם לְעָשְׁקָם וַיּוֹכַח עֲלֵיהֶם מְלָכִים׃

Lo-hinia’h adam le’ochkam vayokha’h aléhèm melakhim.

אַל־תִּגְּעוּ בִמְשִׁיחָי וְלִנְבִיאַי אַל־תָּרֵעוּ׃

Al-tigue’ou vimchi’haï velinviaï al-taré’ou.

וַיִּקְרָא רָעָב עַל־הָאָרֶץ כָּל־מַטֵּה־לֶחֶם שָׁבָר׃

Vayikra ra’av al-haarèts kol-maté-lè’hèm chavar.

שָׁלַח לִפְנֵיהֶם אִישׁ לְעֶבֶד נִמְכַּר יוֹסֵף׃

Chala’h lifnéhèm ich le’èvèd nimkar Yosséf.

עִנּוּ בַכֶּבֶל רגליו [רַגְלוֹ] בַּרְזֶל בָּאָה נַפְשׁוֹ׃

Inou vakèvèl raglo barzèl baa nafcho.

עַד־עֵת בֹּא־דְבָרוֹ אִמְרַת יְהוָה צְרָפָתְהוּ׃

Ad-ét bo-devaro imrat Adonaï tserafat-hou.

שָׁלַח מֶלֶךְ וַיַּתִּירֵהוּ מֹשֵׁל עַמִּים וַיְפַתְּחֵהוּ׃

Chala’h mèlèkh vayatiréhou mochél amim vayefate’héhou.

שָׂמוֹ אָדוֹן לְבֵיתוֹ וּמֹשֵׁל בְּכָל־קִנְיָנוֹ׃

Samo adon levéto oumochél bekhol-kinyano.

לֶאְסֹר שָׂרָיו בְּנַפְשׁוֹ וּזְקֵנָיו יְחַכֵּם׃

Lèssor sarav benafcho ouzkénav ye’hakém.

וַיָּבֹא יִשְׂרָאֵל מִצְרָיִם וְיַעֲקֹב גָּר בְּאֶרֶץ־חָם׃

Vayavo Yisraél Mitsraïm veYa’akov gar beèrèts-’ham.

וַיֶּפֶר אֶת־עַמּוֹ מְאֹד וַיַּעֲצִמֵהוּ מִצָּרָיו׃

Vayèfèr èt-amo meod vaya’atsiméhou mitsarav.

הָפַךְ לִבָּם לִשְׂנֹא עַמּוֹ לְהִתְנַכֵּל בַּעֲבָדָיו׃

Hafakh libam lisno amo lehitnakél ba’avadav.

שָׁלַח מֹשֶׁה עַבְדּוֹ אַהֲרֹן אֲשֶׁר בָּחַר־בּוֹ׃

Chala’h Mochè avdo Aharon achèr ba’har-bo.

שָׂמוּ־בָם דִּבְרֵי אֹתוֹתָיו וּמֹפְתִים בְּאֶרֶץ חָם׃

Samou-vam divré ototav oumoftim beèrèts ’ham.

שָׁלַח חֹשֶׁךְ וַיַּחְשִׁךְ וְלֹא־מָרוּ אֶת־דברוו [דְּבָרוֹ׃]

Chala’h ’hochèkh vaya’hchikh velo-marou èt-devaro.

הָפַךְ אֶת־מֵימֵיהֶם לְדָם וַיָּמֶת אֶת־דְּגָתָם׃

Hafakh èt-méméhèm ledam vayamèt èt-degatam.

שָׁרַץ אַרְצָם צְפַרְדְּעִים בְּחַדְרֵי מַלְכֵיהֶם׃

Charats artsam tsefarde’im be’hadré malkhéhèm.

אָמַר וַיָּבֹא עָרֹב כִּנִּים בְּכָל־גְּבוּלָם׃

Amar vayavo arov kinim bekhol-guevoulam.

נָתַן גִּשְׁמֵיהֶם בָּרָד אֵשׁ לֶהָבוֹת בְּאַרְצָם׃

Natan guichméhèm barad éch lèhavot beartsam.

וַיַּךְ גַּפְנָם וּתְאֵנָתָם וַיְשַׁבֵּר עֵץ גְּבוּלָם׃

Vayakh gafnam out’énatam vayechabér éts guevoulam.

אָמַר וַיָּבֹא אַרְבֶּה וְיֶלֶק וְאֵין מִסְפָּר׃

Amar vayavo arbè veïèlèk veén mispar.

וַיֹּאכַל כָּל־עֵשֶׂב בְּאַרְצָם וַיֹּאכַל פְּרִי אַדְמָתָם׃

Vayokhal kol-éssèv beartsam vayokhal peri admatam.

וַיַּךְ כָּל־בְּכוֹר בְּאַרְצָם רֵאשִׁית לְכָל־אוֹנָם׃

Vayakh kol-bekhor beartsam réchit lekhol-onam.

וַיּוֹצִיאֵם בְּכֶסֶף וְזָהָב וְאֵין בִּשְׁבָטָיו כּוֹשֵׁל׃

Vayotsiém bekhèssèf vezahav veén bichvatav kochél.

שָׂמַח מִצְרַיִם בְּצֵאתָם כִּי־נָפַל פַּחְדָּם עֲלֵיהֶם׃

Sama’h Mitsraïm betsétam ki-nafal pa’hdam aléhèm.

פָּרַשׂ עָנָן לְמָסָךְ וְאֵשׁ לְהָאִיר לָיְלָה׃

Paras anan lemassakh veéch lehaïr laïla.

שָׁאַל וַיָּבֵא שְׂלָו וְלֶחֶם שָׁמַיִם יַשְׂבִּיעֵם׃

Chaal vayavé selav velè’hèm chamaïm yasbi’ém.

פָּתַח צוּר וַיָּזוּבוּ מָיִם הָלְכוּ בַּצִּיּוֹת נָהָר׃

Pata’h tsour vayazouvou maïm halkhou batsiyot nahar.

כִּי־זָכַר אֶת־דְּבַר קָדְשׁוֹ אֶת־אַבְרָהָם עַבְדּוֹ׃

Ki-zakhar èt-devar kodcho èt-Avraham avdo.

וַיּוֹצִא עַמּוֹ בְשָׂשׂוֹן בְּרִנָּה אֶת־בְּחִירָיו׃

Vayotsi amo vessasson berina èt-be’hirav.

וַיִּתֵּן לָהֶם אַרְצוֹת גּוֹיִם וַעֲמַל לְאֻמִּים יִירָשׁוּ׃

Vayitén lahèm artsot goïm va’amal leoumim yirachou.

בַּעֲבוּר יִשְׁמְרוּ חֻקָּיו וְתוֹרֹתָיו יִנְצֹרוּ הַלְלוּ־יָהּ׃

Ba’avour yichmerou ’houkav vetorotav yintsorou halelou-Yah.