Psaume 77

לַמְנַצֵּחַ עַל־ידיתון [יְדוּתוּן] לְאָסָף מִזְמוֹר׃

Lamnatséa’h al-yedoutoun leassaf mizmor.

קוֹלִי אֶל־אֱלֹהִים וְאֶצְעָקָה קוֹלִי אֶל־אֱלֹהִים וְהַאֲזִין אֵלָי׃

Koli èl-Èlohim veèts’aka koli èl-Èlohim vehaazin élaï.

בְּיוֹם צָרָתִי אֲדֹנָי דָּרָשְׁתִּי יָדִי לַיְלָה נִגְּרָה וְלֹא תָפוּג מֵאֲנָה הִנָּחֵם נַפְשִׁי׃

Beïom tsarati Adonaï darachti yadi laïla niguera velo tafoug méana hina’hém nafchi.

אֶזְכְּרָה אֱלֹהִים וְאֶהֱמָיָה אָשִׂיחָה וְתִתְעַטֵּף רוּחִי סֶלָה׃

Èzkera Èlohim veèhèmaïa assi’ha vetit’atéf rou’hi sèla.

אָחַזְתָּ שְׁמֻרוֹת עֵינָי נִפְעַמְתִּי וְלֹא אֲדַבֵּר׃

A’hazta chemourot énaï nif’amti velo adabér.

חִשַּׁבְתִּי יָמִים מִקֶּדֶם שְׁנוֹת עוֹלָמִים׃

’Hichavti yamim mikèdèm chenot olamim.

אֶזְכְּרָה נְגִינָתִי בַּלָּיְלָה עִם־לְבָבִי אָשִׂיחָה וַיְחַפֵּשׂ רוּחִי׃

Èzkera neguinati balaïla im-levavi assi’ha vaye’hapés rou’hi.

הַלְעוֹלָמִים יִזְנַח אֲדֹנָי וְלֹא־יֹסִיף לִרְצוֹת עוֹד׃

Hal’olamim yizna’h Adonaï velo-yossif lirtsot od.

הֶאָפֵס לָנֶצַח חַסְדּוֹ גָּמַר אֹמֶר לְדֹר וָדֹר׃

Hèafés lanètsa’h ’hasdo gamar omèr ledor vador.

הֲשָׁכַח חַנּוֹת אֵל אִם־קָפַץ בְּאַף רַחֲמָיו סֶלָה׃

Hachakha’h ’hanot Él im-kafats beaf ra’hamav sèla.

וָאֹמַר חַלּוֹתִי הִיא שְׁנוֹת יְמִין עֶלְיוֹן׃

Vaomar ’haloti hi chenot yemin èlyon.

אזכיר [אֶזְכּוֹר] מַעַלְלֵי־יָהּ כִּי־אֶזְכְּרָה מִקֶּדֶם פִּלְאֶךָ׃

Èzkor ma’alelé-Yah ki-èzkera mikèdèm pil’èkha.

וְהָגִיתִי בְכָל־פָּעֳלֶךָ וּבַעֲלִילוֹתֶיךָ אָשִׂיחָה׃

Vehaguiti vekhol-po’olèkha ouva’alilotèkha assi’ha.

אֱלֹהִים בַּקֹּדֶשׁ דַּרְכֶּךָ מִי־אֵל גָּדוֹל כֵּאלֹהִים׃

Èlohim bakodèch darkèkha mi-Él gadol kÉlohim.

אַתָּה הָאֵל עֹשֵׂה פֶלֶא הוֹדַעְתָּ בָעַמִּים עֻזֶּךָ׃

Ata haÉl ossé fèlè hoda’ta va’amim ouzèkha.

גָּאַלְתָּ בִּזְרוֹעַ עַמֶּךָ בְּנֵי־יַעֲקֹב וְיוֹסֵף סֶלָה׃

Gaalta bizroa amèkha bené-Ya’akov veYosséf sèla.

רָאוּךָ מַּיִם אֱ‍לֹהִים רָאוּךָ מַּיִם יָחִילוּ אַף יִרְגְּזוּ תְהֹמוֹת׃

Raoukha maïm Èlohim raoukha maïm ya’hilou af yirguezou tehomot.

זֹרְמוּ מַיִם עָבוֹת קוֹל נָתְנוּ שְׁחָקִים אַף־חֲצָצֶיךָ יִתְהַלָּכוּ׃

Zormou maïm avot kol natnou che’hakim af-’hatsatsèkha yit-halakhou.

קוֹל רַעַמְךָ בַּגַּלְגַּל הֵאִירוּ בְרָקִים תֵּבֵל רָגְזָה וַתִּרְעַשׁ הָאָרֶץ׃

Kol ra’amkha bagalgal hé-irou verakim tévél ragza vatir’ach haarèts.

בַּיָּם דַּרְכֶּךָ ושביליך [וּשְׁבִילְךָ] בְּמַיִם רַבִּים וְעִקְּבוֹתֶיךָ לֹא נֹדָעוּ׃

Bayam darkèkha ouchvilkha bemaïm rabim ve’ikevotèkha lo noda’ou.

נָחִיתָ כַצֹּאן עַמֶּךָ בְּיַד־מֹשֶׁה וְאַהֲרֹן׃

Na’hita khatson amèkha beïad-Mochè veAharon.