Psaume 42

לַמְנַצֵּחַ מַשְׂכִּיל לִבְנֵי־קֹרַח׃

Lamnatséa’h maskil livné-kora’h.

כְּאַיָּל תַּעֲרֹג עַל־אֲפִיקֵי־מָיִם כֵּן נַפְשִׁי תַעֲרֹג אֵלֶיךָ אֱלֹהִים׃

Keayal ta’arog al-afiké-maïm kén nafchi ta’arog élèkha Èlohim.

צָמְאָה נַפְשִׁי לֵאלֹהִים לְאֵל חָי מָתַי אָבוֹא וְאֵרָאֶה פְּנֵי אֱלֹהִים׃

Tsam’a nafchi lÉlohim leÉl ’haï mataï avo veéraè pené Èlohim.

הָיְתָה־לִּי דִמְעָתִי לֶחֶם יוֹמָם וָלָיְלָה בֶּאֱמֹר אֵלַי כָּל־הַיּוֹם אַיֵּה אֱלֹהֶיךָ׃

Haïta-li dim’ati lè’hèm yomam valaïla bèèmor élaï kol-hayom ayé Èlohèkha.

אֵלֶּה אֶזְכְּרָה וְאֶשְׁפְּכָה עָלַי נַפְשִׁי כִּי אֶעֱבֹר בַּסָּךְ אֶדַּדֵּם עַד־בֵּית אֱלֹהִים בְּקוֹל־רִנָּה וְתוֹדָה הָמוֹן חוֹגֵג׃

Élè èzkera veèchpekha alaï nafchi ki è’èvor bassakh èdadém ad-bét Èlohim bekol-rina vetoda hamon ’hoguég.

מַה־תִּשְׁתּוֹחֲחִי נַפְשִׁי וַתֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעוֹת פָּנָיו׃

Ma-tichto’ha’hi nafchi vatèhèmi alaï ho’hili lÉlohim ki-od odènou yechou’ot panav.

אֱ‍לֹהַי עָלַי נַפְשִׁי תִשְׁתּוֹחָח עַל־כֵּן אֶזְכָּרְךָ מֵאֶרֶץ יַרְדֵּן וְחֶרְמוֹנִים מֵהַר מִצְעָר׃

Èlohaï alaï nafchi tichto’ha’h al-kén èzkorkha méèrèts yardén ve’hèrmonim méhar mits’ar.

תְּהוֹם־אֶל־תְּהוֹם קוֹרֵא לְקוֹל צִנּוֹרֶיךָ כָּל־מִשְׁבָּרֶיךָ וְגַלֶּיךָ עָלַי עָבָרוּ׃

Tehom-èl-tehom koré lekol tsinorèkha kol-michbarèkha vegalèkha alaï avarou.

יוֹמָם יְצַוֶּה יְהוָה חַסְדּוֹ וּבַלַּיְלָה שירה [שִׁירוֹ] עִמִּי תְּפִלָּה לְאֵל חַיָּי׃

Yomam yetsavè Adonaï ’hasdo ouvalaïla chiro imi tefila leÉl ’hayaï.

אוֹמְרָה לְאֵל סַלְעִי לָמָה שְׁכַחְתָּנִי לָמָּה־קֹדֵר אֵלֵךְ בְּלַחַץ אוֹיֵב׃

Omra leÉl sal’i lama chekha’htani lama-kodér élékh bela’hats oïév.

בְּרֶצַח בְּעַצְמוֹתַי חֵרְפוּנִי צוֹרְרָי בְּאָמְרָם אֵלַי כָּל־הַיּוֹם אַיֵּה אֱלֹהֶיךָ׃

Berètsa’h be’atsmotaï ’hérfouni tsoreraï beomram élaï kol-hayom ayé Èlohèkha.

מַה־תִּשְׁתּוֹחֲחִי נַפְשִׁי וּמַה־תֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעֹת פָּנַי וֵאלֹהָי׃

Ma-tichto’ha’hi nafchi ouma-tèhèmi alaï ho’hili lÉlohim ki-od odènou yechou’ot panaï vÉlohaï.