Psaume 41

לַמְנַצֵּחַ מִזְמוֹר לְדָוִד׃

Lamnatséa’h mizmor leDavid.

אַשְׁרֵי מַשְׂכִּיל אֶל־דָּל בְּיוֹם רָעָה יְמַלְּטֵהוּ יְהוָה׃

Achré maskil èl-dal beïom ra’a yemaletéhou Adonaï.

יְהוָה יִשְׁמְרֵהוּ וִיחַיֵּהוּ יאשר [וְאֻשַּׁר] בָּאָרֶץ וְאַל־תִּתְּנֵהוּ בְּנֶפֶשׁ אֹיְבָיו׃

Adonaï yichmeréhou vi’hayéhou veouchar baarèts veal-titenéhou benèfèch oïvav.

יְהוָה יִסְעָדֶנּוּ עַל־עֶרֶשׂ דְּוָי כָּל־מִשְׁכָּבוֹ הָפַכְתָּ בְחָלְיוֹ׃

Adonaï yis’adènou al-èrès devaï kol-michkavo hafakhta ve’holyo.

אֲ‍נִי־אָמַרְתִּי יְהוָה חָנֵּנִי רְפָאָה נַפְשִׁי כִּי־חָטָאתִי לָךְ׃

Ani-amarti Adonaï ’honéni refaa nafchi ki-’hatati lakh.

אוֹיְבַי יֹאמְרוּ רַע לִי מָתַי יָמוּת וְאָבַד שְׁמוֹ׃

Oïvaï yomrou ra li mataï yamout veavad chemo.

וְאִם־בָּא לִרְאוֹת שָׁוְא יְדַבֵּר לִבּוֹ יִקְבָּץ־אָוֶן לוֹ יֵצֵא לַחוּץ יְדַבֵּר׃

Veïm-ba lir’ot chav yedabér libo yikbots-avèn lo yétsé la’houts yedabér.

יַחַד עָלַי יִתְלַחֲשׁוּ כָּל־שֹׂנְאָי עָלַי יַחְשְׁבוּ רָעָה לִי׃

Ya’had alaï yitla’hachou kol-son’aï alaï ya’hchevou ra’a li.

דְּבַר־בְּלִיַּעַל יָצוּק בּוֹ וַאֲשֶׁר שָׁכַב לֹא־יוֹסִיף לָקוּם׃

Devar-beliya’al yatsouk bo vaachèr chakhav lo-yossif lakoum.

גַּם־אִישׁ שְׁלוֹמִי אֲשֶׁר־בָּטַחְתִּי בוֹ אוֹכֵל לַחְמִי הִגְדִּיל עָלַי עָקֵב׃

Gam-ich chelomi achèr-bata’hti vo okhél la’hmi higdil alaï akév.

וְאַתָּה יְהוָה חָנֵּנִי וַהֲקִימֵנִי וַאֲשַׁלְּמָה לָהֶם׃

Veata Adonaï ’honéni vahakiméni vaachalema lahèm.

בְּזֹאת יָדַעְתִּי כִּי־חָפַצְתָּ בִּי כִּי לֹא־יָרִיעַ אֹיְבִי עָלָי׃

Bezot yada’ti ki-’hafatsta bi ki lo-yaria oïvi alaï.

וַאֲנִי בְּתֻמִּי תָּמַכְתָּ בִּי וַתַּצִּיבֵנִי לְפָנֶיךָ לְעוֹלָם׃

Vaani betoumi tamakhta bi vatatsivéni lefanèkha le’olam.

בָּרוּךְ יְהוָה אֱלֹהֵי יִשְׂרָאֵל מֵהָעוֹלָם וְעַד הָעוֹלָם אָמֵן וְאָמֵן׃

Baroukh Adonaï Èlohé Yisraél méha’olam ve’ad ha’olam amén veamén.