Barkhi nafchi

בָּרְ֒כִי נַפְשִׁי אֶת־יְהֹוָה יְהֹוָה אֱלֺהַי גָּדַֽלְתָּ מְאֹד, הוֹד וְהָדָר לָבָֽשְׁתָּ: עֹֽטֶה אוֹר כַּשַּׂלְמָה, נוֹטֶה שָׁמַֽיִם כַּיְרִיעָה: הַמְקָרֶה בַמַּֽיִם עֲלִיּוֹתָיו הַשָּׂם־עָבִים רְכוּבוֹ, הַמְהַלֵּךְ עַל־כַּנְפֵי־רֽוּחַ: עֹשֶׂה מַלְאָכָיו רוּחוֹת, מְשָׁרְ֒תָיו אֵשׁ לֺהֵט: יָסַד אֶֽרֶץ עַל־מְכוֹנֶֽיהָ, בַּל־תִּמּוֹט עוֹלָם וָעֶד:

Barkhi nafchi èt-Adonaï Adonaï Èlohaï gadalta meod, hod vehadar lavachta. Otè or kassalma, notè chamaïm kaïri’a. Hamekarè vamaïm aliyotav hassom-avim rekhouvo, hamehalékh al-kanfé-roua’h. Ossè mal’akhav rou’hot, mechartav éch lohét. Yassad èrèts al-mekhonèha, bal-timot olam va’èd.

תְּהוֹם כַּלְּ֒בוּשׁ כִּסִּיתוֹ, עַל־הָרִים יַֽעַמְדוּ מָֽיִם: מִן־גַּעֲרָתְ֒ךָ יְנוּסוּן, מִן־קוֹל רַעַמְךָ יֵחָפֵזוּן: יַעֲלוּ הָרִים יֵרְ֒דוּ בְקָעוֹת, אֶל־מְקוֹם זֶה יָסַֽדְתָּ לָהֶם: גְּבוּל־שַֽׂמְתָּ בַּל־יַעֲבֹרוּן, בַּל־יְשֻׁבוּן לְכַסּוֹת הָאָֽרֶץ:

Tehom kalevouch kissito, al-harim ya’amdou maïm. Min-ga’aratkha yenoussoun, min-kol ra’amkha yé’hafézoun. Ya’alou harim yérdou veka’ot, èl-mekom zè yassadta lahèm. Guevoul-samta bal-ya’avoroun, bal-yechouvoun lekhassot haarèts.

הַמְשַׁלֵּֽחַ מַעְיָנִים בַּנְּ֒חָלִים, בֵּין הָרִים יְהַלֵּכוּן: יַשְׁקוּ כָּל־חַיְתוֹ שָׂדָי, יִשְׁבְּרוּ פְרָאִים צְמָאָם: עֲלֵיהֶם עוֹף־הַשָּׁמַֽיִם יִשְׁכּוֹן, מִבֵּין עֳפָאִים יִתְּ֒נוּ־קוֹל: מַשְׁקֶה הָרִים מֵעֲלִיּוֹתָיו, מִפְּ֒רִי מַעֲשֶֽׂיךָ תִּשְׂבַּע הָאָֽרֶץ:

Hamechaléa’h ma’yanim bane’halim, bén harim yehalékhoun. Yachkou kol-’haïto sadaï, yichberou feraïm tsemaam. Aléhèm of-hachamaïm yichkon, mibén ofaïm yitenou-kol. Machkè harim mé’aliyotav, miperi ma’assèkha tisba haarèts.

מַצְמִֽיחַ חָצִיר לַבְּ֒הֵמָה וְעֵֽשֶׂב לַעֲבֹדַת הָאָדָם, לְהוֹצִיא לֶֽחֶם מִן־הָאָֽרֶץ: וְיַֽיִן יְשַׂמַּח לְבַב־אֱנוֹשׁ לְהַצְהִיל פָּנִים מִשָּֽׁמֶן, וְלֶֽחֶם לְבַב־אֱנוֹשׁ יִסְעָד: יִשְׂבְּ֒עוּ עֲצֵי יְהֹוָה אַרְזֵי לְבָנוֹן אֲשֶׁר נָטָע: אֲשֶׁר־שָׁם צִפֳּרִים יְקַנֵּֽנוּ, חֲסִידָה בְּרוֹשִׁים בֵּיתָהּ: הָרִים הַגְּ֒בֹהִים לַיְּ֒עֵלִים, סְלָעִים מַחְסֶה לַשְּׁ֒פַנִּים:

Matsmia’h ’hatsir labehéma ve’éssèv la’avodat haadam, lehotsi lè’hèm min-haarèts. Veïaïn yessama’h levav-ènoch lehatshil panim michamèn, velè’hèm levav-ènoch yis’ad. Yisbe’ou atsé Adonaï arzé Levanon achèr nata. Achèr-cham tsiporim yekanénou, ’hassida berochim bétah. Harim haguevohim laye’élim, sela’im ma’hsè lachefanim.

עָשָׂה יָרֵֽחַ לְמוֹעֲדִים שֶֽׁמֶשׁ יָדַע מְבוֹאוֹ: תָּֽשֶׁת חֽשֶׁךְ וִיהִי לָֽיְלָה, בּוֹ־תִרְמֹשׂ כָּל־חַֽיְ֒תוֹ־יָֽעַר: הַכְּ֒פִירִים שֹׁאֲגִים לַטָּֽרֶף, וּלְבַקֵּשׁ מֵאֵל אָכְלָם: תִּזְרַח הַשֶּֽׁמֶשׁ יֵאָסֵפוּן, וְאֶל־מְעוֹנֹתָם יִרְבָּצוּן: יֵצֵא אָדָם לְפָעֳלוֹ, וְלַעֲבֹדָתוֹ עֲדֵי־עָֽרֶב:

Assa yaréa’h lemo’adim chèmèch yada mevoo. Tachèt ’hochèkh vihi laïla, bo-tirmos kol-’haïto-ya’ar. Hakefirim choaguim latarèf, oulvakéch méÉl okhlam. Tizra’h hachèmèch yéasséfoun, veèl-me’onotam yirbatsoun. Yétsé adam lefo’olo, vela’avodato adé-arèv.

מָה־רַבּוּ מַעֲשֶֽׂיךָ יְהֹוָה כֻּלָּם בְּחָכְמָה עָשִֽׂיתָ, מָלְ֒אָה הָאָֽרֶץ קִנְיָנֶֽךָ: זֶה הַיָּם גָּדוֹל וּרְחַב יָדָֽיִם שָׁם־רֶֽמֶשׂ וְאֵין מִסְפָּר, חַיּוֹת קְטַנּוֹת עִם־גְּדֹלוֹת: שָׁם אֳנִיּוֹת יְהַלֵּכוּן, לִוְיָתָן זֶה יָצַֽרְתָּ לְשַֽׂחֶק־בּוֹ: כֻּלָּם אֵלֶֽיךָ יְשַׂבֵּרוּן, לָתֵת אָכְלָם בְּעִתּוֹ: תִּתֵּן לָהֶם יִלְקֹטוּן, תִּפְתַּח יָדְ֒ךָ יִשְׂבְּעוּן טוֹב: תַּסְתִּיר פָּנֶֽיךָ יִבָּהֵלוּן תֹּסֵף רוּחָם יִגְוָעוּן, וְאֶל־עֲפָרָם יְשׁוּבוּן: תְּשַׁלַּח רוּחֲךָ יִבָּרֵאוּן, וּתְחַדֵּשׁ פְּנֵי אֲדָמָה:

Ma-rabou ma’assèkha Adonaï koulam be’hokhma assita, mal’a haarèts kinyanèkha. Zè hayam gadol our’hav yadaïm cham-rèmès veén mispar, ’hayot ketanot im-guedolot. Cham oniyot yehalékhoun, livyatan zè yatsarta lessa’hèk-bo. Koulam élèkha yessabéroun, latét okhlam be’ito. Titén lahèm yilkotoun, tifta’h yadkha yisbe’oun tov. Tastir panèkha yibahéloun tosséf rou’ham yigva’oun, veèl-afaram yechouvoun. Techala’h rou’hakha yibaréoun, out’hadéch pené adama.

יְהִי כְבוֹד יְהֹוָה לְעוֹלָם, יִשְׂמַח יְהֹוָה בְּמַעֲשָׂיו: הַמַּבִּיט לָאָֽרֶץ וַתִּרְעָד, יִגַּע בֶּהָרִים וְיֶעֱשָֽׁנוּ: אָשִֽׁירָה לַּיהוָֹה בְּחַיָּי, אֲזַמְּ֒רָה לֵאלֺהַי בְּעוֹדִי: יֶעֱרַב עָלָיו שִׂיחִי, אָנֹכִי אֶשְׂמַח בַּיהוָֹה: יִתַּֽמּוּ חַטָּאִים מִן־הָאָֽרֶץ וּרְשָׁעִים עוֹד אֵינָם בָּרְ֒כִי נַפְשִׁי אֶת־יְהֹוָה הַלְ֒לוּיָהּ:

Yehi khevod Adonaï le’olam, yisma’h Adonaï bema’assav. Hamabit laarèts vatir’ad, yiga bèharim veïè’èchanou. Achira laAdonaï be’hayaï, azamera lÉlohaï be’odi. Yè’èrav alav si’hi, anokhi èsma’h baAdonaï. Yitamou ’hataïm min-haarèts ourcha’im od énam barkhi nafchi èt-Adonaï halelouïah.