Psaume 105

הוֹדוּ לַיהוָה קִרְאוּ בִּשְׁמוֹ הוֹדִיעוּ בָעַמִּים עֲלִילוֹתָיו׃

Hodou laAdonaïe qir’ou bichmo hodi‘ou va‘ammim ‘alilotaw.

שִׁירוּ־לוֹ זַמְּרוּ־לוֹ שִׂיחוּ בְּכָל־נִפְלְאוֹתָיו׃

Chirou lo zammerou lo siḥou bekhol nifleotaw.

הִתְהַלְלוּ בְּשֵׁם קָדְשׁוֹ יִשְׂמַח לֵב מְבַקְשֵׁי יְהוָה׃

Hit-halelou bechèm qodcho yismaḥ lèv mevaqchei Adonaïe.

דִּרְשׁוּ יְהוָה וְעֻזּוֹ בַּקְּשׁוּ פָנָיו תָּמִיד׃

Dirchou Adonaïe we‘ouzzo baqqechou fanaw tamid.

זִכְרוּ נִפְלְאוֹתָיו אֲשֶׁר־עָשָׂה מֹפְתָיו וּמִשְׁפְּטֵי־פִיו׃

Zikhrou nifleotaw achére ‘assa mofetaw oumichpetei fiw.

זֶרַע אַבְרָהָם עַבְדּוֹ בְּנֵי יַעֲקֹב בְּחִירָיו׃

Zéra‘ Avraham ‘avdo benei Ya‘aqov beḥiraw.

הוּא יְהוָה אֱלֹהֵינוּ בְּכָל־הָאָרֶץ מִשְׁפָּטָיו׃

Hou Adonaïe Éloheinou bekhol haarétss michpataw.

זָכַר לְעוֹלָם בְּרִיתוֹ דָּבָר צִוָּה לְאֶלֶף דּוֹר׃

Zakhar le‘olam berito davar tsiwwa leéléf dor.

אֲשֶׁר כָּרַת אֶת־אַבְרָהָם וּשְׁבוּעָתוֹ לְיִשְׂחָק׃

Achére karate éte Avraham ouchvou‘ato leïsḥaq.

וַיַּעֲמִידֶהָ לְיַעֲקֹב לְחֹק לְיִשְׂרָאֵל בְּרִית עוֹלָם׃

Wayya‘amidéha leYa‘aqov leḥoq leYissraèl berite ‘olam.

לֵאמֹר לְךָ אֶתֵּן אֶת־אֶרֶץ־כְּנָעַן חֶבֶל נַחֲלַתְכֶם׃

Lèmor lekha éttène éte érétss Kena‘ane ḥévél naḥalatkhém.

בִּהְיוֹתָם מְתֵי מִסְפָּר כִּמְעַט וְגָרִים בָּהּ׃

Bihyotam metei mispar kim‘ate wegarim bah.

וַיִּתְהַלְּכוּ מִגּוֹי אֶל־גּוֹי מִמַּמְלָכָה אֶל־עַם אַחֵר׃

Wayyit-hallekhou miggoïe él goïe mimmamlakha él ‘am aḥère.

לֹא־הִנִּיחַ אָדָם לְעָשְׁקָם וַיּוֹכַח עֲלֵיהֶם מְלָכִים׃

Lo hinniaḥ adam le‘ochqam wayyokhaḥ ‘aleihém melakhim.

אַל־תִּגְּעוּ בִמְשִׁיחָי וְלִנְבִיאַי אַל־תָּרֵעוּ׃

Al tiggue‘ou vimchiḥaïe weline-viaïe al tarè‘ou.

וַיִּקְרָא רָעָב עַל־הָאָרֶץ כָּל־מַטֵּה־לֶחֶם שָׁבָר׃

Wayyiqra ra‘av ‘al haarétss kol mattè léḥém chavar.

שָׁלַח לִפְנֵיהֶם אִישׁ לְעֶבֶד נִמְכַּר יוֹסֵף׃

Chalaḥ lifneihém iche le‘évéde nimkar Yossèf.

עִנּוּ בַכֶּבֶל רגליו [רַגְלוֹ] בַּרְזֶל בָּאָה נַפְשׁוֹ׃

‘Innou vakkévél raglo barzél baa nafcho.

עַד־עֵת בֹּא־דְבָרוֹ אִמְרַת יְהוָה צְרָפָתְהוּ׃

‘Ad ‘ète bo devaro imrate Adonaïe tserafatehou.

שָׁלַח מֶלֶךְ וַיַּתִּירֵהוּ מֹשֵׁל עַמִּים וַיְפַתְּחֵהוּ׃

Chalaḥ mélékh wayyattirèhou mochèl ‘ammim wayefatteḥèhou.

שָׂמוֹ אָדוֹן לְבֵיתוֹ וּמֹשֵׁל בְּכָל־קִנְיָנוֹ׃

Samo adone leveito oumochèl bekhol qinyano.

לֶאְסֹר שָׂרָיו בְּנַפְשׁוֹ וּזְקֵנָיו יְחַכֵּם׃

Léssor saraw benafcho ouzqènaw yeḥakkèm.

וַיָּבֹא יִשְׂרָאֵל מִצְרָיִם וְיַעֲקֹב גָּר בְּאֶרֶץ־חָם׃

Wayyavo Yissraèl Mitsraïm weYa‘aqov gar beérétss ḥam.

וַיֶּפֶר אֶת־עַמּוֹ מְאֹד וַיַּעֲצִמֵהוּ מִצָּרָיו׃

Wayyéfére éte ‘ammo meod wayya‘atsimèhou mitsaraw.

הָפַךְ לִבָּם לִשְׂנֹא עַמּוֹ לְהִתְנַכֵּל בַּעֲבָדָיו׃

Hafakh libbam lisno ‘ammo lehitnakkèl ba‘avadaw.

שָׁלַח מֹשֶׁה עַבְדּוֹ אַהֲרֹן אֲשֶׁר בָּחַר־בּוֹ׃

Chalaḥ Moché ‘avdo Aharone achére baḥar bo.

שָׂמוּ־בָם דִּבְרֵי אֹתוֹתָיו וּמֹפְתִים בְּאֶרֶץ חָם׃

Samou vam divrei ototaw oumofetim beérétss ḥam.

שָׁלַח חֹשֶׁךְ וַיַּחְשִׁךְ וְלֹא־מָרוּ אֶת־דברוו [דְּבָרוֹ׃]

Chalaḥ ḥochékh wayyaḥchikh welo marou éte devaro.

הָפַךְ אֶת־מֵימֵיהֶם לְדָם וַיָּמֶת אֶת־דְּגָתָם׃

Hafakh éte meimeihém ledam wayyaméte éte degatam.

שָׁרַץ אַרְצָם צְפַרְדְּעִים בְּחַדְרֵי מַלְכֵיהֶם׃

Charatss artsam tsefarde‘im beḥadrei malkheihém.

אָמַר וַיָּבֹא עָרֹב כִּנִּים בְּכָל־גְּבוּלָם׃

Amar wayyavo ‘arov kinnim bekhol guevoulam.

נָתַן גִּשְׁמֵיהֶם בָּרָד אֵשׁ לֶהָבוֹת בְּאַרְצָם׃

Natane guichmeihém barad èche léhavote beartsam.

וַיַּךְ גַּפְנָם וּתְאֵנָתָם וַיְשַׁבֵּר עֵץ גְּבוּלָם׃

Wayyakh gafnam out’ènatam wayechabbère ‘ètss guevoulam.

אָמַר וַיָּבֹא אַרְבֶּה וְיֶלֶק וְאֵין מִסְפָּר׃

Amar wayyavo arbé weïéléq weeine mispar.

וַיֹּאכַל כָּל־עֵשֶׂב בְּאַרְצָם וַיֹּאכַל פְּרִי אַדְמָתָם׃

Wayyokhal kol ‘èssév beartsam wayyokhal peri admatam.

וַיַּךְ כָּל־בְּכוֹר בְּאַרְצָם רֵאשִׁית לְכָל־אוֹנָם׃

Wayyakh kol bekhor beartsam rèchite lekhol onam.

וַיּוֹצִיאֵם בְּכֶסֶף וְזָהָב וְאֵין בִּשְׁבָטָיו כּוֹשֵׁל׃

Wayyotsièm bekhésséf wezahav weeine bichvataw kochèl.

שָׂמַח מִצְרַיִם בְּצֵאתָם כִּי־נָפַל פַּחְדָּם עֲלֵיהֶם׃

Samaḥ Mitsraïm betsètam ki nafal paḥdam ‘aleihém.

פָּרַשׂ עָנָן לְמָסָךְ וְאֵשׁ לְהָאִיר לָיְלָה׃

Parass ‘anane lemassakh weèche lehaïr laïla.

שָׁאַל וַיָּבֵא שְׂלָו וְלֶחֶם שָׁמַיִם יַשְׂבִּיעֵם׃

Chaal wayyavè selaw weléḥém chamaïm yasbi‘èm.

פָּתַח צוּר וַיָּזוּבוּ מָיִם הָלְכוּ בַּצִּיּוֹת נָהָר׃

Pataḥ tsour wayyazouvou maïm halekhou batsiyote nahar.

כִּי־זָכַר אֶת־דְּבַר קָדְשׁוֹ אֶת־אַבְרָהָם עַבְדּוֹ׃

Ki zakhar éte devar qodcho éte Avraham ‘avdo.

וַיּוֹצִא עַמּוֹ בְשָׂשׂוֹן בְּרִנָּה אֶת־בְּחִירָיו׃

Wayyotsi ‘ammo vessassone berinna éte beḥiraw.

וַיִּתֵּן לָהֶם אַרְצוֹת גּוֹיִם וַעֲמַל לְאֻמִּים יִירָשׁוּ׃

Wayyittène lahém artsote goïm wa‘amal leoummim yirachou.

בַּעֲבוּר יִשְׁמְרוּ חֻקָּיו וְתוֹרֹתָיו יִנְצֹרוּ הַלְלוּ־יָהּ׃

Ba‘avour yichmerou ḥouqqaw wetorotaw yine-tsorou halelou Yah.