Chir hachirim

שִׁיר הַשִּׁירִים אֲשֶׁר לִשְׁלֹמֹה׃

Chir hachirim achèr liChlomo.

יִשָּׁקֵנִי מִנְּשִׁיקוֹת פִּיהוּ כִּי־טוֹבִים דֹּדֶיךָ מִיָּיִן׃

Yichakéni minechikot pihou ki-tovim dodèkha miyaïn.

לְרֵיחַ שְׁמָנֶיךָ טוֹבִים שֶׁמֶן תּוּרַק שְׁמֶךָ עַל־כֵּן עֲלָמוֹת אֲהֵבוּךָ׃

Leréa’h chemanèkha tovim chèmèn tourak chemèkha al-kén alamot ahévoukha.

מָשְׁכֵנִי אַחֲרֶיךָ נָּרוּצָה הֱבִיאַנִי הַמֶּלֶךְ חֲדָרָיו נָגִילָה וְנִשְׂמְחָה בָּךְ נַזְכִּירָה דֹדֶיךָ מִיַּיִן מֵישָׁרִים אֲהֵבוּךָ׃

Machkhéni a’harèkha naroutsa hèviani hamèlèkh ’hadarav naguila venisme’ha bakh nazkira dodèkha miyaïn mécharim ahévoukha.

שְׁחוֹרָה אֲנִי וְנָאוָה בְּנוֹת יְרוּשָׁלִָם כְּאָהֳלֵי קֵדָר כִּירִיעוֹת שְׁלֹמֹה׃

Che’hora ani venava benot Yerouchalaïm keoholé kédar kiri’ot Chelomo.

אַל־תִּרְאוּנִי שֶׁאֲנִי שְׁחַרְחֹרֶת שֶׁשֱּׁזָפַתְנִי הַשָּׁמֶשׁ בְּנֵי אִמִּי נִחֲרוּ־בִי שָׂמֻנִי נֹטֵרָה אֶת־הַכְּרָמִים כַּרְמִי שֶׁלִּי לֹא נָטָרְתִּי׃

Al-tir’ouni chèani che’har’horèt chèchèzafatni hachamèch bené imi ni’harou-vi samouni notéra èt-hakeramim karmi chèli lo natarti.

הַגִּידָה לִּי שֶׁאָהֲבָה נַפְשִׁי אֵיכָה תִרְעֶה אֵיכָה תַּרְבִּיץ בַּצָּהֳרָיִם שַׁלָּמָה אֶהְיֶה כְּעֹטְיָה עַל עֶדְרֵי חֲבֵרֶיךָ׃

Haguida li chèahava nafchi ékha tir’è ékha tarbits batsohoraïm chalama èhyè ke’otya al èdré ’havérèkha.

אִם־לֹא תֵדְעִי לָךְ הַיָּפָה בַּנָּשִׁים צְאִי־לָךְ בְּעִקְבֵי הַצֹּאן וּרְעִי אֶת־גְּדִיֹּתַיִךְ עַל מִשְׁכְּנוֹת הָרֹעִים׃

Im-lo téd’i lakh hayafa banachim tseï-lakh be’ikvé hatson our’i èt-guediyotaïkh al michkenot haro’im.

לְסֻסָתִי בְּרִכְבֵי פַרְעֹה דִּמִּיתִיךְ רַעְיָתִי׃

Lessoussati berikhvé Far’o dimitikh ra’yati.

נָאווּ לְחָיַיִךְ בַּתֹּרִים צַוָּארֵךְ בַּחֲרוּזִים׃

Naov le’haïaïkh batorim tsavarékh ba’harouzim.

תּוֹרֵי זָהָב נַעֲשֶׂה־לָּךְ עִם נְקֻדּוֹת הַכָּסֶף׃

Toré zahav na’assè-lakh im nekoudot hakassèf.

עַד־שֶׁהַמֶּלֶךְ בִּמְסִבּוֹ נִרְדִּי נָתַן רֵיחוֹ׃

Ad-chèhamèlèkh bimsibo nirdi natan ré’ho.

צְרוֹר הַמֹּר דּוֹדִי לִי בֵּין שָׁדַי יָלִין׃

Tseror hamor dodi li bén chadaï yalin.

אֶשְׁכֹּל הַכֹּפֶר דּוֹדִי לִי בְּכַרְמֵי עֵין גֶּדִי׃

Èchkol hakofèr dodi li bekharmé én guèdi.

הִנָּךְ יָפָה רַעְיָתִי הִנָּךְ יָפָה עֵינַיִךְ יוֹנִים׃

Hinakh yafa ra’yati hinakh yafa énaïkh yonim.

הִנְּךָ יָפֶה דוֹדִי אַף נָעִים אַף־עַרְשֵׂנוּ רַעֲנָנָה׃

Hinekha yafè dodi af na’im af-arsénou ra’anana.

קֹרוֹת בָּתֵּינוּ אֲרָזִים רחיטנו [רַהִיטֵנוּ] בְּרוֹתִים׃

Korot baténou arazim rahiténou berotim.

אֲנִי חֲבַצֶּלֶת הַשָּׁרוֹן שׁוֹשַׁנַּת הָעֲמָקִים׃

Ani ’havatsèlèt hacharon chochanat ha’amakim.

כְּשׁוֹשַׁנָּה בֵּין הַחוֹחִים כֵּן רַעְיָתִי בֵּין הַבָּנוֹת׃

Kechochana bén ha’ho’him kén ra’yati bén habanot.

כְּתַפּוּחַ בַּעֲצֵי הַיַּעַר כֵּן דּוֹדִי בֵּין הַבָּנִים בְּצִלּוֹ חִמַּדְתִּי וְיָשַׁבְתִּי וּפִרְיוֹ מָתוֹק לְחִכִּי׃

Ketapoua’h ba’atsé haya’ar kén dodi bén habanim betsilo ’himadti veïachavti oufiryo matok le’hiki.

הֱבִיאַנִי אֶל־בֵּית הַיָּיִן וְדִגְלוֹ עָלַי אַהֲבָה׃

Hèviani èl-bét hayaïn vediglo alaï ahava.

סַמְּכוּנִי בָּאֲשִׁישׁוֹת רַפְּדוּנִי בַּתַּפּוּחִים כִּי־חוֹלַת אַהֲבָה אָנִי׃

Samekhouni baachichot rapedouni batapou’him ki-’holat ahava ani.

שְׂמֹאלוֹ תַּחַת לְרֹאשִׁי וִימִינוֹ תְּחַבְּקֵנִי׃

Semolo ta’hat lerochi vimino te’habekéni.

הִשְׁבַּעְתִּי אֶתְכֶם בְּנוֹת יְרוּשָׁלִַם בִּצְבָאוֹת אוֹ בְּאַיְלוֹת הַשָּׂדֶה אִם־תָּעִירוּ וְאִם־תְּעוֹרְרוּ אֶת־הָאַהֲבָה עַד שֶׁתֶּחְפָּץ׃

Hichba’ti ètkhèm benot Yerouchalaïm bitsvaot o beaïlot hassadè im-ta’irou veïm-te’orerou èt-haahava ad chètè’hpats.

קוֹל דּוֹדִי הִנֵּה־זֶה בָּא מְדַלֵּג עַל־הֶהָרִים מְקַפֵּץ עַל־הַגְּבָעוֹת׃

Kol dodi hiné-zè ba medalég al-hèharim mekapéts al-hagueva’ot.

דּוֹמֶה דוֹדִי לִצְבִי אוֹ לְעֹפֶר הָאַיָּלִים הִנֵּה־זֶה עוֹמֵד אַחַר כָּתְלֵנוּ מַשְׁגִּיחַ מִן־הַחֲלֹּנוֹת מֵצִיץ מִן־הַחֲרַכִּים׃

Domè dodi litsvi o le’ofèr haayalim hiné-zè oméd a’har kotlénou machguia’h min-ha’halonot métsits min-ha’harakim.

עָנָה דוֹדִי וְאָמַר לִי קוּמִי לָךְ רַעְיָתִי יָפָתִי וּלְכִי־לָךְ׃

Ana dodi veamar li koumi lakh ra’yati yafati oulkhi-lakh.

כִּי־הִנֵּה הסתו [הַסְּתָיו] עָבָר הַגֶּשֶׁם חָלַף הָלַךְ לוֹ׃

Ki-hiné hassetav avar haguèchèm ’halaf halakh lo.

הַנִּצָּנִים נִרְאוּ בָאָרֶץ עֵת הַזָּמִיר הִגִּיעַ וְקוֹל הַתּוֹר נִשְׁמַע בְּאַרְצֵנוּ׃

Hanitsanim nir’ou vaarèts ét hazamir higuia vekol hator nichma beartsénou.

הַתְּאֵנָה חָנְטָה פַגֶּיהָ וְהַגְּפָנִים סְמָדַר נָתְנוּ רֵיחַ קוּמִי לכי [לָךְ] רַעְיָתִי יָפָתִי וּלְכִי־לָךְ׃

Hateéna ’hanta faguèha vehaguefanim semadar natnou réa’h koumi lakh ra’yati yafati oulkhi-lakh.

יוֹנָתִי בְּחַגְוֵי הַסֶּלַע בְּסֵתֶר הַמַּדְרֵגָה הַרְאִינִי אֶתּ־מַרְאַיִךְ הַשְׁמִיעִינִי אֶת־קוֹלֵךְ כִּי־קוֹלֵךְ עָרֵב וּמַרְאֵיךְ נָאוֶה׃

Yonati be’hagvé hassèla bessétèr hamadréga har’ini èt-mar’aïkh hachmi’ini èt-kolékh ki-kolékh arév oumar’ékh navè.

אֶחֱזוּ־לָנוּ שׁוּעָלִים שׁוּעָלִים קְטַנִּים מְחַבְּלִים כְּרָמִים וּכְרָמֵינוּ סְמָדַר׃

È’hèzou-lanou chou’alim chou’alim ketanim me’habelim keramim oukhraménou semadar.

דּוֹדִי לִי וַאֲנִי לוֹ הָרֹעֶה בַּשּׁוֹשַׁנִּים׃

Dodi li vaani lo haro’è bachochanim.

עַד שֶׁיָּפוּחַ הַיּוֹם וְנָסוּ הַצְּלָלִים סֹב דְּמֵה־לְךָ דוֹדִי לִצְבִי אוֹ לְעֹפֶר הָאַיָּלִים עַל־הָרֵי בָתֶר׃

Ad chèyafoua’h hayom venassou hatselalim sov demé-lekha dodi litsvi o le’ofèr haayalim al-haré vatèr.

עַל־מִשְׁכָּבִי בַּלֵּילוֹת בִּקַּשְׁתִּי אֵת שֶׁאָהֲבָה נַפְשִׁי בִּקַּשְׁתִּיו וְלֹא מְצָאתִיו׃

Al-michkavi balélot bikachti ét chèahava nafchi bikachtiv velo metsativ.

אָקוּמָה נָּא וַאֲסוֹבְבָה בָעִיר בַּשְּׁוָקִים וּבָרְחֹבוֹת אֲבַקְשָׁה אֵת שֶׁאָהֲבָה נַפְשִׁי בִּקַּשְׁתִּיו וְלֹא מְצָאתִיו׃

Akouma na vaassoveva va’ir bachevakim ouvar’hovot avakcha ét chèahava nafchi bikachtiv velo metsativ.

מְצָאוּנִי הַשֹּׁמְרִים הַסֹּבְבִים בָּעִיר אֵת שֶׁאָהֲבָה נַפְשִׁי רְאִיתֶם׃

Metsaouni hachomrim hassovevim ba’ir ét chèahava nafchi reïtèm.

כִּמְעַט שֶׁעָבַרְתִּי מֵהֶם עַד שֶׁמָּצָאתִי אֵת שֶׁאָהֲבָה נַפְשִׁי אֲחַזְתִּיו וְלֹא אַרְפֶּנּוּ עַד־שֶׁהֲבֵיאתִיו אֶל־בֵּית אִמִּי וְאֶל־חֶדֶר הוֹרָתִי׃

Kim’at chè’avarti méhèm ad chèmatsati ét chèahava nafchi a’haztiv velo arpènou ad-chèhavétiv èl-bét imi veèl-’hèdèr horati.

הִשְׁבַּעְתִּי אֶתְכֶם בְּנוֹת יְרוּשָׁלִַם בִּצְבָאוֹת אוֹ בְּאַיְלוֹת הַשָּׂדֶה אִם־תָּעִירוּ וְאִם־תְּעוֹרְרוּ אֶת־הָאַהֲבָה עַד שֶׁתֶּחְפָּץ׃

Hichba’ti ètkhèm benot Yerouchalaïm bitsvaot o beaïlot hassadè im-ta’irou veïm-te’orerou èt-haahava ad chètè’hpats.

מִי זֹאת עֹלָה מִן־הַמִּדְבָּר כְּתִימֲרוֹת עָשָׁן מְקֻטֶּרֶת מוֹר וּלְבוֹנָה מִכֹּל אַבְקַת רוֹכֵל׃

Mi zot ola min-hamidbar ketimarot achan mekoutèrèt mor oulvona mikol avkat rokhél.

הִנֵּה מִטָּתוֹ שֶׁלִּשְׁלֹמֹה שִׁשִּׁים גִּבֹּרִים סָבִיב לָהּ מִגִּבֹּרֵי יִשְׂרָאֵל׃

Hiné mitato chèliChlomo chichim guiborim saviv lah miguiboré Yisraél.

כֻּלָּם אֲחֻזֵי חֶרֶב מְלֻמְּדֵי מִלְחָמָה אִישׁ חַרְבּוֹ עַל־יְרֵכוֹ מִפַּחַד בַּלֵּילּוֹת׃

Koulam a’houzé ’hèrèv meloumedé mil’hama ich ’harbo al-yerékho mipa’had balélot.

אַפִּרְיוֹן עָשָׂה לוֹ הַמֶּלֶךְ שְׁלֹמֹה מֵעֲצֵי הַלְּבָנוֹן׃

Apiryon assa lo hamèlèkh Chelomo mé’atsé halevanon.

עַמּוּדָיו עָשָׂה כֶסֶף רְפִידָתוֹ זָהָב מֶרְכָּבוֹ אַרְגָּמָן תּוֹכוֹ רָצוּף אַהֲבָה מִבְּנוֹת יְרוּשָׁלִָם׃

Amoudav assa khèssèf refidato zahav mèrkavo argaman tokho ratsouf ahava mibenot Yerouchalaïm.

צְאֶינָה וּרְאֶינָה בְּנוֹת צִיּוֹן בַּמֶּלֶךְ שְׁלֹמֹה בָּעֲטָרָה שֶׁעִטְּרָה־לּוֹ אִמּוֹ בְּיוֹם חֲתֻנָּתוֹ וּבְיוֹם שִׂמְחַת לִבּוֹ׃

Tseèna our’èna benot Tsiyon bamèlèkh Chelomo ba’atara chè’itera-lo imo beïom ’hatounato ouvyom sim’hat libo.

הִנָּךְ יָפָה רַעְיָתִי הִנָּךְ יָפָה עֵינַיִךְ יוֹנִים מִבַּעַד לְצַמָּתֵךְ שַׂעְרֵךְ כְּעֵדֶר הָעִזִּים שֶׁגָּלְשׁוּ מֵהַר גִּלְעָד׃

Hinakh yafa ra’yati hinakh yafa énaïkh yonim miba’ad letsamatékh sa’rékh ke’édèr ha’izim chègalchou méhar guil’ad.

שִׁנַּיִךְ כְּעֵדֶר הַקְּצוּבוֹת שֶׁעָלוּ מִן־הָרַחְצָה שֶׁכֻּלָּם מַתְאִימוֹת וְשַׁכֻּלָה אֵין בָּהֶם׃

Chinaïkh ke’édèr haketsouvot chè’alou min-hara’htsa chèkoulam mat’imot vechakoula én bahèm.

כְּחוּט הַשָּׁנִי שִׂפְתֹתַיִךְ וּמִדְבָּרֵיךְ נָאוֶה כְּפֶלַח הָרִמּוֹן רַקָּתֵךְ מִבַּעַד לְצַמָּתֵךְ׃

Ke’hout hachani siftotaïkh oumidbarékh navè kefèla’h harimon rakatékh miba’ad letsamatékh.

כְּמִגְדַּל דָּוִיד צַוָּארֵךְ בָּנוּי לְתַלְפִּיּוֹת אֶלֶף הַמָּגֵן תָּלוּי עָלָיו כֹּל שִׁלְטֵי הַגִּבּוֹרִים׃

Kemigdal David tsavarékh banouï letalpiyot èlèf hamaguén talouï alav kol chilté haguiborim.

שְׁנֵי שָׁדַיִךְ כִּשְׁנֵי עֳפָרִים תְּאוֹמֵי צְבִיָּה הָרוֹעִים בַּשּׁוֹשַׁנִּים׃

Chené chadaïkh kichné ofarim teomé tseviya haro’im bachochanim.

עַד שֶׁיָּפוּחַ הַיּוֹם וְנָסוּ הַצְּלָלִים אֵלֶךְ לִי אֶל־הַר הַמּוֹר וְאֶל־גִּבְעַת הַלְּבוֹנָה׃

Ad chèyafoua’h hayom venassou hatselalim élèkh li èl-har hamor veèl-guiv’at halevona.

כֻּלָּךְ יָפָה רַעְיָתִי וּמוּם אֵין בָּךְ׃

Koulakh yafa ra’yati oumoum én bakh.

אִתִּי מִלְּבָנוֹן כַּלָּה אִתִּי מִלְּבָנוֹן תָּבוֹאִי תָּשׁוּרִי מֵרֹאשׁ אֲמָנָה מֵרֹאשׁ שְׂנִיר וְחֶרְמוֹן מִמְּעֹנוֹת אֲרָיוֹת מֵהַרְרֵי נְמֵרִים׃

Iti miLevanon kala iti miLevanon tavoï tachouri méroch amana méroch senir ve’hèrmon mime’onot araïot méhareré nemérim.

לִבַּבְתִּנִי אֲחֹתִי כַלָּה לִבַּבְתִּינִי באחד [בְּאַחַת] מֵעֵינַיִךְ בְּאַחַד עֲנָק מִצַּוְּרֹנָיִךְ׃

Libavtini a’hoti khala libavtini bea’hat mé’énaïkh bea’had anak mitsaveronaïkh.

מַה־יָּפוּ דֹדַיִךְ אֲחֹתִי כַלָּה מַה־טֹּבוּ דֹדַיִךְ מִיַּיִן וְרֵיחַ שְׁמָנַיִךְ מִכָּל־בְּשָׂמִים׃

Ma-yafou dodaïkh a’hoti khala ma-tovou dodaïkh miyaïn veréa’h chemanaïkh mikol-bessamim.

נֹפֶת תִּטֹּפְנָה שִׂפְתוֹתַיִךְ כַּלָּה דְּבַשׁ וְחָלָב תַּחַת לְשׁוֹנֵךְ וְרֵיחַ שַׂלְמֹתַיִךְ כְּרֵיחַ לְבָנוֹן׃

Nofèt titofna siftotaïkh kala devach ve’halav ta’hat lechonékh veréa’h salmotaïkh keréa’h Levanon.

גַּן נָעוּל אֲחֹתִי כַלָּה גַּל נָעוּל מַעְיָן חָתוּם׃

Gan na’oul a’hoti khala gal na’oul ma’yan ’hatoum.

שְׁלָחַיִךְ פַּרְדֵּס רִמּוֹנִים עִם פְּרִי מְגָדִים כְּפָרִים עִם־נְרָדִים׃

Chela’haïkh pardés rimonim im peri megadim kefarim im-neradim.

נֵרְדְּ וְכַרְכֹּם קָנֶה וְקִנָּמוֹן עִם כָּל־עֲצֵי לְבוֹנָה מֹר וַאֲהָלוֹת עִם כָּל־רָאשֵׁי בְשָׂמִים׃

Nérd vekharkom kanè vekinamon im kol-atsé levona mor vaahalot im kol-raché vessamim.

מַעְיַן גַּנִּים בְּאֵר מַיִם חַיִּים וְנֹזְלִים מִן־לְבָנוֹן׃

Ma’yan ganim beér maïm ’hayim venozlim min-Levanon.

עוּרִי צָפוֹן וּבוֹאִי תֵימָן הָפִיחִי גַנִּי יִזְּלוּ בְשָׂמָיו יָבֹא דוֹדִי לְגַנּוֹ וְיֹאכַל פְּרִי מְגָדָיו׃

Ouri tsafon ouvoï téman hafi’hi gani yizelou vessamav yavo dodi legano veïokhal peri megadav.

בָּאתִי לְגַנִּי אֲחֹתִי כַלָּה אָרִיתִי מוֹרִי עִם־בְּשָׂמִי אָכַלְתִּי יַעְרִי עִם־דִּבְשִׁי שָׁתִיתִי יֵינִי עִם־חֲלָבִי אִכְלוּ רֵעִים שְׁתוּ וְשִׁכְרוּ דּוֹדִים׃

Bati legani a’hoti khala ariti mori im-bessami akhalti ya’ri im-divchi chatiti yéni im-’halavi ikhlou ré’im chetou vechikhrou dodim.

אֲנִי יְשֵׁנָה וְלִבִּי עֵר קוֹל דּוֹדִי דוֹפֵק פִּתְחִי־לִי אֲחֹתִי רַעְיָתִי יוֹנָתִי תַמָּתִי שֶׁרֹּאשִׁי נִמְלָא־טָל קְוֻּצּוֹתַי רְסִיסֵי לָיְלָה׃

Ani yechéna velibi ér kol dodi dofék pit’hi-li a’hoti ra’yati yonati tamati chèrochi nimla-tal kevoutsotaï ressissé laïla.

פָּשַׁטְתִּי אֶת־כֻּתָּנְתִּי אֵיכָכָה אֶלְבָּשֶׁנָּה רָחַצְתִּי אֶת־רַגְלַי אֵיכָכָה אֲטַנְּפֵם׃

Pachatti èt-koutanti ékhakha èlbachèna ra’hatsti èt-raglaï ékhakha atanefém.

דּוֹדִי שָׁלַח יָדוֹ מִן־הַחֹר וּמֵעַי הָמוּ עָלָיו׃

Dodi chala’h yado min-ha’hor oumé’aï hamou alav.

קַמְתִּי אֲנִי לִפְתֹּחַ לְדוֹדִי וְיָדַי נָטְפוּ־מוֹר וְאֶצְבְּעֹתַי מוֹר עֹבֵר עַל כַּפּוֹת הַמַּנְעוּל׃

Kamti ani liftoa’h ledodi veïadaï natfou-mor veètsbe’otaï mor ovér al kapot haman’oul.

פָּתַחְתִּי אֲנִי לְדוֹדִי וְדוֹדִי חָמַק עָבָר נַפְשִׁי יָצְאָה בְדַבְּרוֹ בִּקַּשְׁתִּיהוּ וְלֹא מְצָאתִיהוּ קְרָאתִיו וְלֹא עָנָנִי׃

Pata’hti ani ledodi vedodi ’hamak avar nafchi yats’a vedabero bikachtihou velo metsatihou kerativ velo anani.

מְצָאֻנִי הַשֹּׁמְרִים הַסֹּבְבִים בָּעִיר הִכּוּנִי פְצָעוּנִי נָשְׂאוּ אֶת־רְדִידִי מֵעָלַי שֹׁמְרֵי הַחֹמוֹת׃

Metsaouni hachomrim hassovevim ba’ir hikouni fetsa’ouni nas’ou èt-redidi mé’alaï chomré ha’homot.

הִשְׁבַּעְתִּי אֶתְכֶם בְּנוֹת יְרוּשָׁלִָם אִם־תִּמְצְאוּ אֶת־דּוֹדִי מַה־תַּגִּידוּ לוֹ שֶׁחוֹלַת אַהֲבָה אָנִי׃

Hichba’ti ètkhèm benot Yerouchalaïm im-timtseou èt-dodi ma-taguidou lo chè’holat ahava ani.

מַה־דּוֹדֵךְ מִדּוֹד הַיָּפָה בַּנָּשִׁים מַה־דּוֹדֵךְ מִדּוֹד שֶׁכָּכָה הִשְׁבַּעְתָּנוּ׃

Ma-dodékh midod hayafa banachim ma-dodékh midod chèkakha hichba’tanou.

דּוֹדִי צַח וְאָדוֹם דָּגוּל מֵרְבָבָה׃

Dodi tsa’h veadom dagoul mérvava.

רֹאשׁוֹ כֶּתֶם פָּז קְוּצּוֹתָיו תַּלְתַּלִּים שְׁחֹרוֹת כָּעוֹרֵב׃

Rocho kètèm paz kevtsotav taltalim che’horot ka’orév.

עֵינָיו כְּיוֹנִים עַל־אֲפִיקֵי מָיִם רֹחֲצוֹת בֶּחָלָב יֹשְׁבוֹת עַל־מִלֵּאת׃

Énav keïonim al-afiké maïm ro’hatsot bè’halav yochvot al-milét.

לְחָיָו כַּעֲרוּגַת הַבֹּשֶׂם מִגְדְּלוֹת מֶרְקָחִים שִׂפְתוֹתָיו שׁוֹשַׁנִּים נֹטְפוֹת מוֹר עֹבֵר׃

Le’haïav ka’arougat habossèm migdelot mèrka’him siftotav chochanim notfot mor ovér.

יָדָיו גְּלִילֵי זָהָב מְמֻלָּאִים בַּתַּרְשִׁישׁ מֵעָיו עֶשֶׁת שֵׁן מְעֻלֶּפֶת סַפִּירִים׃

Yadav guelilé zahav memoulaïm batarchich mé’av èchèt chén me’oulèfèt sapirim.

שׁוֹקָיו עַמּוּדֵי שֵׁשׁ מְיֻסָּדִים עַל־אַדְנֵי־פָז מַרְאֵהוּ כַּלְּבָנוֹן בָּחוּר כָּאֲרָזִים׃

Chokav amoudé chéch meïoussadim al-adné-faz mar’éhou kaLevanon ba’hour kaarazim.

חִכּוֹ מַמְתַקִּים וְכֻלּוֹ מַחֲּמַדִּים זֶה דוֹדִי וְזֶה רֵעִי בְּנוֹת יְרוּשָׁלִָם׃

’Hiko mamtakim vekhoulo ma’hamadim zè dodi vezè ré’i benot Yerouchalaïm.

אָנָה הָלַךְ דּוֹדֵךְ הַיָּפָה בַּנָּשִׁים אָנָה פָּנָה דוֹדֵךְ וּנְבַקְשֶׁנּוּ עִמָּךְ׃

Ana halakh dodékh hayafa banachim ana pana dodékh ounvakchènou imakh.

דּוֹדִי יָרַד לְגַנּוֹ לַעֲרוּגוֹת הַבֹּשֶׂם לִרְעוֹת בַּגַּנִּים וְלִלְקֹט שׁוֹשַׁנִּים׃

Dodi yarad legano la’arougot habossèm lir’ot baganim velilkot chochanim.

אֲנִי לְדוֹדִי וְדוֹדִי לִי הָרֹעֶה בַּשׁוֹשַׁנִּים׃

Ani ledodi vedodi li haro’è bachochanim.

יָפָה אַתְּ רַעְיָתִי כְּתִרְצָה נָאוָה כִּירוּשָׁלִָם אֲיֻמָּה כַּנִּדְגָּלוֹת׃

Yafa at ra’yati ketirtsa nava kIrouchalaïm aïouma kanidgalot.

הָסֵבִּי עֵינַיִךְ מִנֶּגְדִּי שֶׁהֵם הִרְהִיבֻנִי שַׂעְרֵךְ כְּעֵדֶר הָעִזִּים שֶׁגָּלְשׁוּ מִן־הַגִּלְעָד׃

Hassébi énaïkh minègdi chèhém hirhivouni sa’rékh ke’édèr ha’izim chègalchou min-haguil’ad.

שִׁנַּיִךְ כְּעֵדֶר הָרְחֵלִים שֶׁעָלוּ מִן־הָרַחְצָה שֶׁכֻּלָּם מַתְאִימוֹת וְשַׁכֻּלָה אֵין בָּהֶם׃

Chinaïkh ke’édèr har’hélim chè’alou min-hara’htsa chèkoulam mat’imot vechakoula én bahèm.

כְּפֶלַח הָרִמּוֹן רַקָּתֵךְ מִבַּעַד לְצַמָּתֵךְ׃

Kefèla’h harimon rakatékh miba’ad letsamatékh.

שִׁשִּׁים הֵמָּה מְּלָכוֹת וּשְׁמֹנִים פִּילַגְשִׁים וַעֲלָמוֹת אֵין מִסְפָּר׃

Chichim héma melakhot ouchmonim pilagchim va’alamot én mispar.

אַחַת הִיא יוֹנָתִי תַמָּתִי אַחַת הִיא לְאִמָּהּ בָּרָה הִיא לְיוֹלַדְתָּהּ רָאוּהָ בָנוֹת וַיְאַשְּׁרוּהָ מְלָכוֹת וּפִילַגְשִׁים וַיְהַלְלוּהָ׃

A’hat hi yonati tamati a’hat hi leïmah bara hi leïoladtah raouha vanot vayeacherouha melakhot oufilagchim vayehalelouha.

מִי־זֹאת הַנִּשְׁקָפָה כְּמוֹ־שָׁחַר יָפָה כַלְּבָנָה בָּרָה כַּחַמָּה אֲיֻמָּה כַּנִּדְגָּלוֹת׃

Mi-zot hanichkafa kemo-cha’har yafa khalevana bara ka’hama aïouma kanidgalot.

אֶל־גִּנַּת אֱגוֹז יָרַדְתִּי לִרְאוֹת בְּאִבֵּי הַנָּחַל לִרְאוֹת הֲפָרְחָה הַגֶּפֶן הֵנֵצוּ הָרִמֹּנִים׃

Èl-guinat ègoz yaradti lir’ot beïbé hana’hal lir’ot hafar’ha haguèfèn hénétsou harimonim.

לֹא יָדַעְתִּי נַפְשִׁי שָׂמַתְנִי מַרְכְּבוֹת עַמִּי־נָדִיב׃

Lo yada’ti nafchi samatni markevot ami-nadiv.

שׁוּבִי שׁוּבִי הַשּׁוּלַמִּית שׁוּבִי שׁוּבִי וְנֶחֱזֶה־בָּךְ מַה־תֶּחֱזוּ בַּשּׁוּלַמִּית כִּמְחֹלַת הַמַּחֲנָיִם׃

Chouvi chouvi hachoulamit chouvi chouvi venè’hèzè-bakh ma-tè’hèzou bachoulamit kim’holat hama’hanaïm.

מַה־יָּפוּ פְעָמַיִךְ בַּנְּעָלִים בַּת־נָדִיב חַמּוּקֵי יְרֵכַיִךְ כְּמוֹ חֲלָאִים מַעֲשֵׂה יְדֵי אָמָּן׃

Ma-yafou fe’amaïkh bane’alim bat-nadiv ’hamouké yerékhaïkh kemo ’halaïm ma’assé yedé aman.

שָׁרְרֵךְ אַגַּן הַסַּהַר אַל־יֶחְסַר הַמָּזֶג בִּטְנֵךְ עֲרֵמַת חִטִּים סוּגָה בַּשּׁוֹשַׁנִּים׃

Charerékh agan hassahar al-yè’hsar hamazèg bitnékh arémat ’hitim souga bachochanim.

שְׁנֵי שָׁדַיִךְ כִּשְׁנֵי עֳפָרִים תָּאֳמֵי צְבִיָּה׃

Chené chadaïkh kichné ofarim toomé tseviya.

צַוָּארֵךְ כְּמִגְדַּל הַשֵּׁן עֵינַיִךְ בְּרֵכוֹת בְּחֶשְׁבּוֹן עַל־שַׁעַר בַּת־רַבִּים אַפֵּךְ כְּמִגְדַּל הַלְּבָנוֹן צוֹפֶה פְּנֵי דַמָּשֶׂק׃

Tsavarékh kemigdal hachén énaïkh berékhot be’hèchbon al-cha’ar bat-rabim apékh kemigdal halevanon tsofè pené damassèk.

רֹאשֵׁךְ עָלַיִךְ כַּכַּרְמֶל וְדַלַּת רֹאשֵׁךְ כָּאַרְגָּמָן מֶלֶךְ אָסוּר בָּרְהָטִים׃

Rochékh alaïkh kakarmèl vedalat rochékh kaargaman mèlèkh assour barhatim.

מַה־יָּפִית וּמַה־נָּעַמְתְּ אַהֲבָה בַּתַּעֲנוּגִים׃

Ma-yafit ouma-na’amt ahava bata’anouguim.

זֹאת קוֹמָתֵךְ דָּמְתָה לְתָמָר וְשָׁדַיִךְ לְאַשְׁכֹּלוֹת׃

Zot komatékh damta letamar vechadaïkh leachkolot.

אָמַרְתִּי אֶעֱלֶה בְתָמָר אֹחֲזָה בְּסַנְסִנָּיו וְיִהְיוּ־נָא שָׁדַיִךְ כְּאֶשְׁכְּלוֹת הַגֶּפֶן וְרֵיחַ אַפֵּךְ כַּתַּפּוּחִים׃

Amarti è’èlè vetamar o’haza bessansinav veïhyou-na chadaïkh keèchkelot haguèfèn veréa’h apékh katapou’him.

וְחִכֵּךְ כְּיֵין הַטּוֹב הוֹלֵךְ לְדוֹדִי לְמֵישָׁרִים דּוֹבֵב שִׂפְתֵי יְשֵׁנִים׃

Ve’hikékh keïén hatov holékh ledodi lemécharim dovév sifté yechénim.

אֲנִי לְדוֹדִי וְעָלַי תְּשׁוּקָתוֹ׃

Ani ledodi ve’alaï techoukato.

לְכָה דוֹדִי נֵצֵא הַשָּׂדֶה נָלִינָה בַּכְּפָרִים׃

Lekha dodi nétsé hassadè nalina bakefarim.

נַשְׁכִּימָה לַכְּרָמִים נִרְאֶה אִם פָּרְחָה הַגֶּפֶן פִּתַּח הַסְּמָדַר הֵנֵצוּ הָרִמּוֹנִים שָׁם אֶתֵּן אֶת־דֹּדַי לָךְ׃

Nachkima lakeramim nir’è im par’ha haguèfèn pita’h hassemadar hénétsou harimonim cham ètén èt-dodaï lakh.

הַדּוּדָאִים נָתְנוּ־רֵיחַ וְעַל־פְּתָחֵינוּ כָּל־מְגָדִים חֲדָשִׁים גַּם־יְשָׁנִים דּוֹדִי צָפַנְתִּי לָךְ׃

Hadoudaïm natnou-réa’h ve’al-peta’hénou kol-megadim ’hadachim gam-yechanim dodi tsafanti lakh.

מִי יִתֶּנְךָ כְּאָח לִי יוֹנֵק שְׁדֵי אִמִּי אֶמְצָאֲךָ בַחוּץ אֶשָׁקְךָ גַּם לֹא־יָבוּזוּ לִי׃

Mi yitènkha kea’h li yonék chedé imi èmtsaakha va’houts èchakkha gam lo-yavouzou li.

אֶנְהָגֲךָ אֲבִיאֲךָ אֶל־בֵּית אִמִּי תְּלַמְּדֵנִי אַשְׁקְךָ מִיַּיִן הָרֶקַח מֵעֲסִיס רִמֹּנִי׃

Ènhagakha aviakha èl-bét imi telamedéni achkekha miyaïn harèka’h mé’assis rimoni.

שְׂמֹאלוֹ תַּחַת רֹאשִׁי וִימִינוֹ תְּחַבְּקֵנִי׃

Semolo ta’hat rochi vimino te’habekéni.

הִשְׁבַּעְתִּי אֶתְכֶם בְּנוֹת יְרוּשָׁלִָם מַה־תָּעִירוּ וּמַה־תְּעֹרְרוּ אֶת־הָאַהֲבָה עַד שֶׁתֶּחְפָּץ׃

Hichba’ti ètkhèm benot Yerouchalaïm ma-ta’irou ouma-te’orerou èt-haahava ad chètè’hpats.

מִי זֹאת עֹלָה מִן־הַמִּדְבָּר מִתְרַפֶּקֶת עַל־דּוֹדָהּ תַּחַת הַתַּפּוּחַ עוֹרַרְתִּיךָ שָׁמָּה חִבְּלַתְךָ אִמֶּךָ שָׁמָּה חִבְּלָה יְלָדַתְךָ׃

Mi zot ola min-hamidbar mitrapèkèt al-dodah ta’hat hatapoua’h orartikha chama ’hibelatkha imèkha chama ’hibela yeladatkha.

שִׂימֵנִי כַחוֹתָם עַל־לִבֶּךָ כַּחוֹתָם עַל־זְרוֹעֶךָ כִּי־עַזָּה כַמָּוֶת אַהֲבָה קָשָׁה כִשְׁאוֹל קִנְאָה רְשָׁפֶיהָ רִשְׁפֵּי אֵשׁ שַׁלְהֶבֶתְיָה׃

Siméni kha’hotam al-libèkha ka’hotam al-zero’èkha ki-aza khamavèt ahava kacha khich’ol kin’a rechafèha richpé éch chalhèvètya.

מַיִם רַבִּים לֹא יוּכְלוּ לְכַבּוֹת אֶת־הָאַהֲבָה וּנְהָרוֹת לֹא יִשְׁטְפוּהָ אִם־יִתֵּן אִישׁ אֶת־כָּל־הוֹן בֵּיתוֹ בָּאַהֲבָה בּוֹז יָבוּזוּ לוֹ׃

Maïm rabim lo youkhlou lekhabot èt-haahava ounharot lo yichtefouha im-yitén ich èt-kol-hon béto baahava boz yavouzou lo.

אָחוֹת לָנוּ קְטַנָּה וְשָׁדַיִם אֵין לָהּ מַה־נַּעֲשֶׂה לַאֲחֹתֵנוּ בַּיּוֹם שֶׁיְּדֻבַּר־בָּהּ׃

A’hot lanou ketana vechadaïm én lah ma-na’assè laa’hoténou bayom chèyedoubar-bah.

אִם־חוֹמָה הִיא נִבְנֶה עָלֶיהָ טִירַת כָּסֶף וְאִם־דֶּלֶת הִיא נָצוּר עָלֶיהָ לוּחַ אָרֶז׃

Im-’homa hi nivnè alèha tirat kassèf veïm-dèlèt hi natsour alèha loua’h arèz.

אֲנִי חוֹמָה וְשָׁדַי כַּמִּגְדָּלוֹת אָז הָיִיתִי בְעֵינָיו כְּמוֹצְאֵת שָׁלוֹם׃

Ani ’homa vechadaï kamigdalot az haïti ve’énav kemots’ét chalom.

כֶּרֶם הָיָה לִשְׁלֹמֹה בְּבַעַל הָמוֹן נָתַן אֶת־הַכֶּרֶם לַנֹּטְרִים אִישׁ יָבִא בְּפִרְיוֹ אֶלֶף כָּסֶף׃

Kèrèm haïa liChlomo beva’al hamon natan èt-hakèrèm lanotrim ich yavi befiryo èlèf kassèf.

כָּרְמִי שֶׁלִּי לְפָנָי הָאֶלֶף לְךָ שְׁלֹמֹה וּמָאתַיִם לְנֹטְרִים אֶת־פִּרְיוֹ׃

Karmi chèli lefanaï haèlèf lekha Chelomo oumataïm lenotrim èt-piryo.

הַיוֹשֶׁבֶת בַּגַּנִּים חֲבֵרִים מַקְשִׁיבִים לְקוֹלֵךְ הַשְׁמִיעִינִי׃

Hayochèvèt baganim ’havérim makchivim lekolékh hachmi’ini.

בְּרַח דּוֹדִי וּדְמֵה־לְךָ לִצְבִי אוֹ לְעֹפֶר הָאַיָּלִים עַל הָרֵי בְשָׂמִים׃

Bera’h dodi oudmé-lekha litsvi o le’ofèr haayalim al haré vessamim.